Gürcüstan, Tbilisi, 12 dekabr/ Trend , müxbir N.Kirtsxaliya/ ABŞ senatoru demokrat Con Kerri bu gün gecə Tbilisiyə gəlir. ABŞ- ın Gürcüstandakı səfirliyindən bildiriblər ki, Massaçusetsdən senator 2009-cu ilin yanvarından ABŞ Senatının xarici əlaqələr komitəsinə rəhbərlik edəcək.
Kerri, dekabrın 13-də Gürcüstana səfəri zamanı ölkə prezidenti Mixail Saakaşvili, Baş nazir Qriqol Mqaloblişvili, parlament çoxluğu və müxalifətlə görüşəcək.
Görüşlərin gedişində Gürcüstan-Amerika əməkdaşlığı və regionda siyasi vəziyyət müzakirə olunacaq.
Qeyd etmək lazımdır ki, Con Kerri 2004 - cü ildə Demokratlar partiyasından ABŞ prezidentliyinə namizədliyini irəli sürüb.