Rusiya, Moskva, 30 mart / Trend , müxbir R.Ağayev /
"BMT missiyasının Gürcüstandakı yeni mandatı iyunun 15-nə qədər qəbul edilməlidir", - mətbuat konfransı çərçivəsində RİA Novosti-yə Rusiya Federasiyasının BMT-dəki daimi nümayəndəsi Vitali Çurkin bildirib.
"Biz BMT missiyasının mandatının 4 ay müddətinə üzadılması istiqamətində qətnamə qəbul etmişik. Əvvəlki qətnamədə verilmiş "BMT-nin Gürcüstanda müşahidə missiyası" adından istifadə edilmir. Lakin iyunun 15-dən etibarən yeni mandatın qəbul edilməsi gözlənilir", - deyə Çurkin bildirib.
Onun sözlərinə əsasən, məsələnin mahiyyəti ondan ibarətdir ki, bu missiya ümumiyyətlə ötən ilin avqust münaqişəsinə qədər icra etdiyi funksiyaları yenidən davam etdirəcək.
BMT Təhlükəsizlik Şurası fevralın 13-də yekdilliklə Gürcüstan və Abaxaziya regionunda BMT missiyasının mandatının iyunun 15-nə kimi artırılmasını nəzərdə tutan 1866 nömrəli qətnaməni qəbul edib. Qətnamə missiyanın gələcək formatında dəyişikliklərin edilməsini nəzərdə tutub, Gürcüstanın ərazi bütövlüyü və BMT-nin əvvəlki sənədlərində olduğu kimi, Abxaziyanın Gürcüstana aid olması barədə heç bir məlumat verilməyib. Əvvəlki qətnamədə olduğu kimi, 1866 nömrəli qətnamədə BMT-nin Gürcüstanda müşahidə missiyası coğrafı tərif verilmədən "BMT missiyası" adlandırılıb.
Çurkinin sözlərinə əsasən, hazırda Tbilisi və Moskva arasında yeni mandat üzrə məsləhətləşmələr aparılır.
Çurkin əlavə edib ki, mayın 15-nə kimi BMT-nin baş katibi bu təşkilatın Gürcüstandakı sonrakı missiyası barədə məruzə təqdim edəcək.
Məqalə müəllifi ilə əlaqə ünvanı: [email protected]