Azərbaycan, Bakı, 30 iyul / Trend , müxbir Ü.İsmayılova /
Hazırda Azərbaycan Səhiyyə Nazirliyində yalnız iki A/H1N1 virusuna ("donuz qripi") yoluxma faktı qeydə alınıb. Bu barədə cümə axşamı Səhiyyə Nazirliyi yanında Sanitar-epidemioloji nəzarətin rəhbəri Viktor Qasımov deyib.
"Yoluxanlardan biri tibb müəssisəsinə özü müraciət edib, digər xəstə isə Bakı Beynəlxalq hava limanının nəzarət-buraxılış məntəqəsində keçid zamanı müəyyən olunub", - nazirliyin nümayəndəsi deyib.
Xəstələrdən biri Ağciyər Xəstəlikləri İnstitutunda, digəri isə 7 saylı uşaq yoluxucu xəstəxanasında müalicə olunur.
Ümumdünya Səhiyyə Təşkilatının məlumatına görə, dünyada təxminən 170 min "donuz qripi"nə yoluxma faktı qeydə alınıb. Onlardan təxminən 1000-i ölümlə nəticələnib.
Məqalə müəllifi ilə əlaqə ünvanı: [email protected]