"Yanvarın sonunda Fars körfəzində və Hörmuz boğazında hərbi-dəniz təlimləri planlaşdırılır", İranın Sepax hərbi-dəniz bölməsinin komandiri admiral Murtaza Səfəri deyib. Ilna agentliyi bu haqda məlumat yayıb.
"Yaxın Şərqdə vəziyyətin qeyri-stabil olduğuna görə, İranın hərbi gücünün artırılmasına zəruriyyət yaranır. Bu məqsədlə də İran Fars və Hörmuz körfəzlərində hərbi-dəniz təlimləri keçirəcək", - o deyib.
Həmçinin təlim zamanı İranın yeni hərbi texnikası təcrübədən keçiriləcək, o deyib.
Əvvəllər Menr agentliyi İranın Silahlı Qüvvələrinin quru qoşunlarının komandiri briqada generalı Əhmədrza Purdəstana istinadən məlumat vermişdi ki, fevralın əvvəllərində genişmiqyaslı hərbi quru təlimləri keçiriləcək.
