Ağ Evin rəsmi nümayəndəsi Maykl Hammer Osmanlı imperiyasında 1915-ci il erməni hadisələrinə prezident Barak Obamanın mövqeyini bildirib." Ağ Ev Türkiyə və Ermənistanı tarixi hadisələrə qayıtmamağa və bu günlə yaşamağa çağırıb", - Hammer bildirib. Bu barədə Türkiyənin Milliyet qəzeti məlumat verib.
ABŞ Konqresinin xarici əlaqələr üzrə komitəsinin sədri Qovard Berman "Erməni soyqırımı" haqqında qanunun martın 4-də müzakirəyə çıxarılmasını təklif edib.
Ermənistan və erməni lobbisi bildirir ki, Türkiyənin sələfi - Osmanlı imperiyası 1915-ci ildə Anadoluda yaşayan ermənilərə qarşı soyqırım həyata keçirib. Bu faktın bütün dünyada tanınmasını istəyən ermənilər dünya ölkələrində "soyqırım" təbliğatını gücləndirərək onun bəzi dövlətlərin parlamentləri tərəfindən tanınmasına nail olublar.