Türkiyə Xarici İşlər Nazirliyinin məlumatına əsasən, Baş nazir Rəcəb Tayyib Ərdoğanın ABŞ-a səfəri hələlik sual altındadır. Bu barədə CNN türk saytı məlumat verir. Baş nazir Rəcəb Tayyib Ərdoğanın ABŞ-a səfəri martın 4-də ABŞ Konqresi Nümayəndələr Palatasının Xarici əlaqələr komitəsi qondarma "erməni soyqırımı"nın tanınmasına dair qətnaməni 23 lehinə, 22-si əleyhinə səslə qəbul etdikdən sonra təxirə salınıb.
ABŞ Konqresinin ardınca martın 11-i İsveç Nümayəndələr Palatasının Xarici əlaqələr komitəsinin iclasında da qondarma "erməni soyqırımı"nın tanınmasına dair qətnamə qəbul olunub. Türkiyə etiraz əlaməti olaraq Vaşinqton və Stokholmdan öz səfirlərini geri çağırıb.