Bakı. Trend:
ABŞ qüvvələri hərbi əməliyyatların başlanmasından bəri İran Hərbi Dəniz Qüvvələrinə məxsus 20-dən çox gəmini batırıb və ya zədələyib.
Trend-in məlumatına görə, bu barədə ABŞ Mərkəzi Komandanlığı (CENTCOM) məlumat yayıb. Komandanlıq ABŞ qüvvələrinin İran hərbi gəmilərinə endirdiyi zərbələrin fotoşəkillərini dərc edib.
Açıqlama ABŞ-ın müdafiə naziri Pit Heqsetin çərşənbə günü ABŞ qüvvələrinin Hind okeanının beynəlxalq sularında İran gəmisini vurduğunu bildirməsindən sonra verilib.
Bundan bir gün əvvəl CENTCOM-un rəhbəri, admiral Bred Kuper ABŞ-ın demək olar ki, İran donanmasının böyük hissəsini sıradan çıxardığını qeyd etmişdi.