Hazırda "Tulu", "Nəvid" və "Misbah 2" peyklərinin orbitə buraxılması üçün sınaqlar keçirlir və cari ildə yeni peyk layihələrinin icra olunması nəzərdə tutulub. Bunu İranın Elektronik Sənaye İdarəsinin kosmos sistemləri üzrə idarəsinin rəis müavini Mehdi Musəvi Badcani bildirib. Bu barədə MEHR xəbər agentliyi məlumat verib.
Badcani deyib ki, sınaq olunmuş peyklər yerli daşıyıcı raket vasitəsilə orbitə buraxılacaq. "Cari ildə bu üç peykin orbitə buraxılması ilə kifayətlənməyəcəyik; hazırda digər peyklərin də hazırlanması üçün proqramlar icra olunur", - deyə Badcani bildirib.
İran istehsalı olan ilk peyk "Ümid" 2009-cu il fevralın 3-də "Səfir" raketdaşıyıcısı ilə orbitə buraxılıb. Həmin hadisə fevralın əvvəlində İranda İslam İnqilabının 30-cu ildönümünün qeyd edilməsi ilə eyni vaxta salınıb.