Azərbaycan, Bakı, 11 aprel /Trend/
İndoneziyanın Sumatra adasının şimal hissəsinin sahillərində 8,7 bal gücündə yeraltı təkan olub. Bu barədə çərşənbə günü Trend "İnterfaks"a istinadən məlumat verir.
ABŞ Geologiya Xidmətinin məlumatına əsasən, zəlzələnin episentri Açex əyalətinin paytaxtı Banda Açex şəhərindən 431 kilometr və Malayziyanın paytaxtı Kuala-Lumpurdan 962 kilometr məsafədə yerin 33 kilometr dərinliyində olub.
Sakit Okean Sunami Xəbərdarlığı Mərkəzinin məlumatına əsasən, yeraltı təkan İndoneziya, Şri-Lanka, Avstraliya, Pakistan, Somali, İran, BƏƏ, CAR, Sinqapur və digər ölkələrdə sunamiyə səbəb ola bilər.