Azərbaycan, Bakı, 3 may / Trend, müxbirlər A. Bədəlova, T. Cəfərov/
İran Şirazda yüngül suda nüvə reaktoru inşa edir. Trend-in cümə günü ISNA agentliyinə istinadən verdiyi məlumata görə, bunu İranın Fars əyalətinin qubernatoru Hüseyn Sadiq Abidin deyib.
Abidinin sözlərinə görə, reaktor Şiraz şəhərinin Zarqan qəsəbəsində quraşdırılacaq.
Abidin qeyd edib ki, reaktorun istismara verilməsi Fars əyalətində kənd təsərrüfatının inkişaf səviyyəsini yüksəltməyə kömək edəcək.
O ümid etdiyini bildirib ki, reaktorun quraşdırılması yaxın gələcəkdə başlayacaq.