Azərbaycan, Bakı, 14 iyun /Trend/
Ermənistan və Rusiyanın Xarici İşlər nazirlikləri Avropa Şurasında qarşılıqlı fəaliyyət barədə məsləhətləşmələr aparıblar. Trend-in məlumatına görə, bu barədə cümə günü "Armenia Today" Ermənistan Xarici İşlər Nazirliyinə (XİN) istinadən xəbər verir.
Məsləhətləşmələr Yerevanda Ermənistan XİN-nin Avropa İdarəsinin rəhbəri Armen Liloyan və Rusiya XİN-in Ümumavropa Əməkdaşlıq İdarəsinin rəhbəri İvan Soltanovskinin sədrliyi altında keçirilib.
Avropa Şurası Nazirlər Komitəsinin (AŞNK) 123-cü sessiyasının nəticələri, Ermənistanın AŞNK-də sədrliyinin prioritetləri, AŞ-da islahatlar müzakirə edilib. Tərəflər, həmçinin AŞ PA və Nazirlər Komitəsi çərçivəsində əməkdaşlıq məsələlərinə toxunublar.
Həmin gün rusiyalı qonağı Ermənistan XİN rəhbəri Edvard Nalbandyan qəbul edib.