Gürcüstan, Tbilisi, 17 noyabr /Trend, müxbir N.Kirtsxalia/
Gürcüstan prezidentinin andiçmə mərasimində iştirak etmək üçün Azərbaycan nümayəndə heyəti baş nazir Artur Rasizadə başda olmaqla Tbilisiyə gəlib.
Azərbaycan nümayəndə heyətini Tbilisi hava limanında Gürcüstanın baş nazirinin müavini, energetika naziri Kaxa Kaladze qarşılayıb.
Andiçmə mərasimi yerli vaxtla saat 12.45-də Tbilisidə Gürcüstan parlamentinin həyətində başlayacaq.
Gürcüstanın yeni prezidenti Georgi Marqvelaşvili saat 14:00 etibarən andiçmə mərasiminə gələn nümayəndə heyətləri ilə görüşlər keçirəcək.