Azərbaycan, Bakı, 20 fevral / Trend /
Türkiyənin Kilis vilayətindəki Öncüpınar sərhəd-nəzarət buraxılış məntəqəsinin yaxınlığında Suriya ərazisində güclü partlayış baş verib. Bu barədə Trend Türkiyənin "Milliyet" qəzetinə istinadən cümə axşamı məlumat verir.
Məlumata görə, partlayıcı maddə ilə dolu avtomobil Suriyanın əs-Səlame sərhəd məntəqəsi yaxınlığında saat 15:45-də partladılıb.
Partlayış nəticəsində hadisə yerində 20 nəfər həlak olub, həmçinin altı nəfər Türkiyə ərazisindəki xəstəxanaya aparılarkən yolda ölüb, daha 50 nəfər yaralanıb.