Azərbaycan, Bakı, 23 fevral /Trend/
Ermənistan parlamenti fevralın 23-də prezident Serj Sarkisyana impiçment elan edilməsi haqqında qanun layihəsini qəbul etməyib.
Trend-in RİA Novosti-yə istinadən verdiyi məlumata görə, qanun layihəsinin lehinə 4, əleyhinə isə 68 deputat səs verib. Bitərəf qalan olmayıb.
Qeyd edək ki, qanun layihəsinin müəllifi deputat Nikol Paşinyandır. O, formal olaraq Ermənistan Milli Konqresinin üzvüdür.