Azərbaycan, Bakı, 27 aprel /Trend, Rufiz Hafizoğlu/
Türkiyə bu günlərdə dəhşətlə zəlzələ baş verən Nepaldan vətəndaşlarını evakuasiya edib.
Trend-in "Anadolu"ya istinadən verdiyi məlumata görə, Nepaldan evakuasiya olunan Türkiyə vətəndaşlarının sayı 242-yə çatıb.
Bundan başqa, Türkiyənin Fövqəladə Hallar və Təbii Fəlakətlər Agentliyi (AFAD) Nepala 26 xilasedici göndərib.
Qeyd edək ki, Nepalda aprelin 25-də səhər saatlarında 7,9 bal gücündə baş verən zəlzələ nəticəsində 3218 nəfərin öldüyü bildirilir.
Xilasetmə-axtarış işlərinə Çin, ABŞ, Kanada, Türkiyə, Avstraliya, Yaponiya, Şri-Lanka və Azərbaycan da qoşulub.