Bakı. Trend:
Türkiyə hökuməti Niderlandın Ankaradakı səfirinin respublika ərazisinə girişinə qadağa qoymağa qərar verib.
Trend-in "Milliyet" qəzetinə istinadən verdiyi məlumata görə, bunu Türkiyənin baş nazirinin müavini Numan Kurtulmuş deyib.
"Bizim tələblər yerinə yetirilənə qədər məzuniyyətdə olan Niderland səfirinin Türkiyəyə girişinə qadağa qoyulması qərarı qəbul edilib", - Kurtulmuş deyib.
Kurtulmuş qeyd edib ki, Türkiyə hollandiyalı diplomatların da öz ərazisinə uçuşlarını qadağan edəcək.