Bakı. Trend:
ABŞ prezidenti Donald Tramp Pentaqona Əfqanıstanda ABŞ hərbçilərinin sayının təyin edilməsi səlahiyyətini verib.
Trend-in "RİA Novosti"yə istinadən verdiyi məlumata görə, bunu Pentaqonun rəhbəri Ceyms Mettis təsdiq edib.
"Prezident müdafiə nazirliyinə Əfqanıstanda ABŞ hərbçilərinin sayının təyin edilməsi səlahiyyətini verib. Bu, bizim hərbçilərə hərbi əməliyyatların aparılmasında daha çox imkanlar verəcək", - C.Mettis deyib.
Qeyd edək ki, hazırda Əfqanıstanda 8,4 min hərbçi var.