Bakı. Trend:
Ermənistan tərəfi Rusiyaya "Xosrov meşəsi" iri dövlət qoruğunda baş vermiş yanğının söndürülməsi üçün xüsusi təyyarə verilməsi ilə bağlı müraciət edib.
Trend xəbər verir ki, bu barədə Ermənistanın Fövqəladə Hallar Nazirliyi məlumat yayıb.
Məlumata əsasən, hazırda təyyarənin Ermənistana göndərilməsi üçün hazırlıq işləri görülür.
Qoruqda yanğın avqustun 12-də baş verib. Güclü külək nəticəsində yanğın qoruğun digər sahələrinə də yayılıb.