Bakı. Trend:
Ən güclü orduya malik ölkələrin siyahısı açıqlanıb.
Trend-in “Global Fire Power” portalının hesabatına istinadən məlumat verir ki, Azərbaycan ən güclü ordusu olan ölkələrin siyahısında 58-ci sıradadır. Ermənistan isə 93-cü pillədə qərarlaşıb.
Reytinqdə cəmi 133 ölkə yer alıb. İlk onluqda ABŞ, Rusiya, Çin, Hindistan, Fransa, Böyük Britaniya, Yaponiya, Türkiyə, Almaniya və Misir qərarlaşıb.
Hesabatda silahların sayı, onların müxtəlifliyi, orduda kadrların sayı, ehtiyatda olan kadrların sayı, hərbi sahənin maliyyələşmə səviyyəsi, nəqliyyat infrastrukturu, coğrafi mövqe, ölkənin təbii resursları nəzərə alınıb.