Bakı. Trend:
İranın İslam İnqilabı Keşikçiləri Korpusunun pilotsuz təyyarələri Suriya və İraq sərhədində "İslam dövləti" terror qruplaşmasının yaraqlıların bir neçə bazasına zərbələr endiriblər.
Trend-in İran mətbuatına istinadən verdiyi məlumata görə, hücum nəticəsində bir neçə baza məhv edilib.
Həmçinin bildirilir ki, pilotsuz təyyarələrin hücumu nəticəsində bir neçə nəqliyyat vasitəsi və hərbi texnika, habelə silah məhv edilib.