Bakı. Trend:
Dünya şöhrətli aktyor Jan-Klod van Dam Türkiyədə sağlamlıq və idman mərkəzi şəbəkəsi açacaq.
Trend-in məlumatına görə, "Hollivud" ulduzu "Fitness&Health" adlı layihəsini müzakirə etmək üçün İstanbulda toplantı təşkil edəcək.
Layihə qənaətbəxş qəbul edilərsə, belçikalı aktyor idman mərkəzlərini əvvəlcə İzmit, İstanbul, Ankara və İzmir şəhərlərində açacaq.
Bundan sonra "Fitness&Health"in Nyu York, Mayami, Dubay və Londonda da bölmələrinin açılacağı bildirilir.