Bakı. Trend:
Fransa Prezidenti Emmanuel Makron və Baş nazir Eduar Filipin reytinqi dekabrın ortalarından bu yana xeyli aşağı düşüb.
Trend-in məlumatına görə, bunu aylıq ictimai rəy sorğusu göstərir.
Rəyi soruşulanların 49 faizi E.Makronun vəzifəsini yaxşı icra etdiyini deyib. Bu, əvvəlki sorğunun göstəricisindən 5 faiz azdır. Fransızların 50 faizi isə dövlət başçısının fəaliyyətini mənfi qiymətləndirib (4 faiz çox).
Baş nazirin fəaliyyətini isə respondentlərin 50 faizi müsbət qiymətləndirsə də, bu, E.Filipin reytinqinin 7 faiz azalması deməkdir.