Bakı. Trend:
Çilinin Konsepsion şəhərində tibb mərkəzində partlayış baş verib.
Trend-in məlumatına görə, partlayış nəticəsində azı 3 nəfər həlak olub, 50 nəfər isə xəsarət alıb. Xəsarət alanların bir neçəsinin vəziyyəti ağırdır.
Şəhərin meri Alvaro Ortis bildirib ki, partlayışa səbəb qaz sızması olub. Hadisə yerində təcili xidmət orqanlarının əməkdaşları işləyir.