...

İsrailin Ankaradakı səfiri Türkiyəni tərk etdi

Dünya xəbərləri Materials 16 May 2018 12:19
Bu gün İsrailin Ankaradakı səfiri Türkiyəni tərk edib.
İsrailin Ankaradakı səfiri Türkiyəni tərk etdi

Trend-i buradan izləyin

Bakı. Rufiz Hafizoğlu - Trend:

Bu gün İsrailin Ankaradakı səfiri Türkiyəni tərk edib.

Trend-in məlumatına görə, ötən gün Türkiyə Xarici İşlər Nazirliyinə çağırılan diplomatdan ölkəni tərk etmək tələb olunmuşdu.

Yerli KİV-in yazdığına görə, bu gün İsrailin Ankaradakı baş konsulu da ölkədən çıxacaq. Bir qədər əvvəl isə İsrailin İstanbuldakı baş konsuluna analoji çağırış edilmişdi.

Xatırladaq ki, mayın 15-də Türkiyənin Baş naziri Binəli Yıldırım müsəlman ölkələrini İsraillə münasibətlərinə yenidən baxmağa çağırıb.

Qeyd edək ki, İsrail dövlətinin yaradılmasının 70 illiyi və bu yubiley münasibətilə ABŞ səfirliyinin Təl-Əvivdən Qüdsə keçirilməsi ilə əlaqədar olaraq Qəzza sektorunda etiraz aksiyası keçirilir. Mayın 14-də İsrail əsgərləri aksiya iştirakçılarına atəş açıblar. Qarşıdurma nəticəsində 55 fələstinli ölüb, 2700-ü yaralanıb.

Məqalədə:
Xəbər lenti

Xəbər lenti