Bakı. Trend:
Niderlandda hüquq-mühafizə orqanları terror hücumunun hazırlanmasında şübhəli bilinən 7 nəfəri həbs edib.
Trend-in "The Associated Press" agentliyinə istinadən verdiyi məlumata əsasən, qrupun lideri - 34 yaşlı şəxs silahlı terrorçu-intiharçılar vasitəsi ilə keçiriləcək tədbirlərin birində terror aktı törətməyi planlaşdırırdı.
Qeyd olunur ki, terrorçular həmçinin digər yerdə partlayıcı qurğularla doldurulmuş avtomobili partlatmaq planlaşdırırdılar.
Polis əməkdaşları terrorçuların zərbələri harada endirəcəklərini öyrənə bilməyib. Terrorçular Arnem və Vert şəhərlərində tutulub.