Bakı. Trend:
İtaliyada nəqliyyat, təhsil və səhiyyə sektorlarında həmkarlar ittifaqlarının tətili keçirilir.
Trend-in məlumatına görə, tətilin fəsadları özünü əsasən Milanda göstərir.
Şəhər ərazisində nəqliyyatın hərəkəti iflic olub. Bundan başqa, paytaxt Romada xətt avtobuslarının sayı azalıb.
Tətil həmçinin Genuya, Bolonya, Neapol, Palermi və digər şəhərlərdə davam edir.
Tətil edənlər iş şərtlərinin yaxşılaşdırılmasını və əmək haqlarının artırılmasını tələb edir.