...

Fransada etirazlar nəqliyyatın hərəkətini iflic edib – stansiyalar bu gün də bağlanacaq

Dünya xəbərləri Materials 15 Dekabr 2018 13:35 (UTC +04:00)
Fransada etirazlar nəqliyyatın hərəkətini iflic edib.
Fransada etirazlar nəqliyyatın hərəkətini iflic edib – stansiyalar bu gün də bağlanacaq

Bakı. Trend:

Fransada etirazlar səbəbindən nəqliyyatın hərəkəti ciddi şəkildə pozulub.

Trend-in məlumatına görə, bu gün planlaşdırılan "sarı jilet" adlı kütləvi etiraz aksiyaları səbəbindən Parisin mərkəzi hissəsində təqribən 40 metro stansiyası, həmçinin RER şəhərətrafı elektrik qatarları sisteminin 8 stansiyası bağlı olacaq.

Paris Nəqliyyat İdarəsi yerüstü nəqliyyatın 54-cü xəttində, eləcə də Şarl de Qoll və Orli hava limanlarında xüsusi ekspreslərin hərəkətində ciddi pozuntuların gözlənildiyini bildirib.

Qeyd edək ki, Fransada yanacağın qiymətinin qaldırılmasına etiraz əlaməti olaraq "sarı jilet" hərəkatı noyabrın 17-də başlayıb.

Məqalədə:
Xəbər lenti

Xəbər lenti