Bakı. Rufiz Hafizoğlu - Trend:
Türkiyənin Antalya vilayətində ard-arda baş vermiş qasırğan bölgəyə 100 milyon lirə həcmində ziyan vurub.
Trend-in məlumatına görə, bunu Türkiyə Prezidenti Rəcəb Tayyib Ərdoğan deyib.
O bildirib ki, təbiət hadisəsinin bütün fəsadları aradan qaldırılacaq.
R.T.Ərdoğan əlavə edib ki, qasırğa zamanı küləyin sürəti 133 kilometr/saata çatıb.
Xatırladaq ki, 24-26 yanvar tarixlərində Antalyada tüğyan etmiş 5 qasırğa nəticəsində 2 nəfər həlak olub, 20-dən çox şəxs xəsarət alıb.