Quterreş Abe və Si Cinpin ilə Koreya yarımadasındakı vəziyyəti müzakirə edib
Bakı. Trend:
BMT-nin baş katibi Antoniu Quterreş Osaka şəhərində Yaponiyanın baş naziri Şinzo Abe və Çin Xalq Respublikasının sədri Si Cinpin ilə Koreya yarımadasındakı vəziyyəti müzakirə edib.
Trend-in "RİA Novosti"yə istinadən verdiyi məlumata görə, bunu A.Quterreşin rəsmi nümayəndəsi Stefan Cüjarrik deyib.
Onun sözlərinə görə, BMT-nin baş katibi Yaponiyanın Osaka şəhərində keçirilən G20 sammitində iştirak edir: "Baş katib və cənab Abe hər iki tərəf üçün narahatlıq doğuran məsələləri, o cümlədən Koreya yarımadasındakı vəziyyəti müzakirə ediblər".
S.Cüjarrik əlavə edib ki, A.Quterreş Si Cinpin ilə dayanıqlı inkişafın məqsədləri, iqlim dəyişikliyi problemini və Koreya yarımadasındakı vəziyyəti müzakirə edib.
