Bakı. Trend:
İsrailin baş naziri Binyamin Netanyahu bir daha koronavirus testindən keçib.
Trend-in "TASS"a istinadən verdiyi məlumata görə, bu barədə baş nazirin dəftərxanasının rəsmi nümayəndəsi Ofir Gendelman öz "Twitter" səhifəsində yazıb.
O.Gendelman bildirib: "Netanyahu bu gün daha bir koronavirus testindən keçib, nəticə mənfi olub. Baş nazirin 14 günlük karantini sabah bitir".
Xatırladaq ki, B.Netanyahu daha əvvəl martın 15-i və 30-u koronavirus testindən keçib.