Bakı. Trend:
İordaniya sakinləri ramazan bayramını evlərində qeyd etməli olacaqlar.
Trend-in məlumatına görə, bu barədə ölkənin informasiya naziri Amdad Adayle bildirib.
Haşimi krallığı yanında antikrizis qərargahı mayın 22-dən 25-dək komendant saatı elan edir. Biz bu addımı çox sayda insanların bir yerdə toplanmalarına qarşı tədbir kimi atmağa məcburuq", - A.Adayle deyib.
Nazirinin sözlərinə görə, may ayının 21-i mağazalar və marketlər saat 23:00-a qədər işləyəcəklər ki, sakinlər qarşıdakı həftə sonu və 24 mayda qeyd olunan bayram üçün ərzaq almağa imkan tapsınlar.