Bakı. Trend:
Braziliyada ötən sutka ərzində yeni növ koronavirusa son iki aya nisbətən ən az yoluxma sayı aşkarlanıb - 16 641 nəfər.
Trend-in "Sinxua"ya istinadən verdiyi məlumata görə, bu barədə ölkənin Səhiyyə Nazirliyindən bildiriblər.
Məlumata əsasən, ölkədə koronavirusa yoluxanların ümumi sayı 2 750 318 nəfərə çatıb.
Bildirilir ki, ötən sutka ərzində koronavirusdan 561 nəfər ölüb, ölənlərin ümumi sayı 94 665 nəfər təşkil edir.