Bakı. Trend:
Britaniya hakimiyyəti texniki nasazlıq səbəbiylə rəsmi hökumət statistikasına düşməyən yeni növ koronavirusa bir həftə ərzində 16 minə yaxın yoluxma hadisəsinin olduğunu bildirib.
Trend-in TASS-a istinadən verdiyi məlumata görə, qalan hesablanmamış rəqəmlər statistikaya daxil edilib və nəticədə son sutkada aşkarlanan infeksiya hadisələrinin sayı pandemiya başlayandan ən yüksək göstəriciyə - 22 961-ə çatıb.
Ölkədə yeni koronavirusa yoluxma hallarının ümumi sayı yarım milyonu keçib və hazırda 502 978-ə yüksəlib. Sutka ərzində yoluxanlar arasında 33 ölüm qeydə alınıb və ümumi ölüm sayı 42 350 nəfərdir.