Bakı. Orxan Nəbiyev - Trend:
İndoneziya hökuməti ard-arda zəlzələlərin baş verdiyi Qərbi Sulavesi əyalətində 15 minə yaxın sakini təxliyə edib.
Trend-in məlumatına görə, indiyədək zəlzələlər nəticəsində həlak olanların sayı 35 nəfərə çatıb.
Yeraltı təkanlar 300-dən çox binaya ziyan vurub, regionda işıqlar və rabitə kəsilib.
Qeyd edək ki, Qərbi Sulavesi əyalətində 5,9 və 6,2 bal gücündə zəlzələlər baş verib. Daha sonra 28 afterşok qeydə alınıb.