Bakı. Trend.
ABŞ Kino Akademiyası amerikalı aktyor Uill Smitə "Oskar" mükafatının təqdimatı mərasimi də daxil olmaqla, 10 il ərzində öz tədbirlərinə qadağa qoyub.
Trend-in məlumatına görə, bu barədə "Reuters" agentliyi ABŞ Kino Sənətləri və Elmləri Akademiyasının prezidenti və baş icraçı direktoru Devid Rubin və Don Hudsonun açıqlamalarına istinadən bildirib.
Bildirilib ki, 94-cü "Oskar" mükafatının təqdimatı mərasimi 2021-ci ildə inanılmaz iş görən çoxsaylı insanların bayramı olmalı idi: "Lakin cənab Smitin səhnədə nümayiş etdirdiyini gördüyümüz yersiz və zərərli davranışlar bu məqamlara kölgə saldı".
