Bakı. Trend:
Rusiyada son sutka ərzində 49 761 nəfər koronavirusa yoluxub.
Trend-in məlumatına görə, bu, martın 11-dən bəri qeydə alınan ən yüksək göstərici olub. Ötən gün 46 321 yoluxma qeydə alınmışdı.
Bu günədək Rusiyada koronavirusa yoluxanların sayı 19,57 milyon nəfəri keçib.
Eyni zamanda, son sutkada 95 nəfər koronavirusun qurbanı olub. Əvvəlki gün bu rəqəm 92 nəfərə bərabər idi.
Rusiyada bu günədək koronavirusdan 384 441 nəfər vəfat edib.