Bakı. Trend:
ABŞ administrasiyasının yüksək rütbəli nümayəndələri Dohada Talibanla görüş keçirib.
Trend-in məlumatına görə, bu barədə "CNN" televiziya kanalı xəbər verib.
Məlumata əsasən, ABŞ nümayəndə heyətinə, xüsusən də Mərkəzi Kəşfiyyat İdarəsinin direktor müavini Devid Koen və Əfqanıstan üzrə xüsusi nümayəndə Tomas Uest daxil olub. "Taliban" hərəkatını kəşfiyyat agentliyinin rəhbəri Molla Əbdül Haq Vasik təmsil edib.