Bakı. Trend:
Cənubi Koreya hakimiyyəti əksər qapalı məkanlarda maska taxmaq tələbini aradan qaldırmaq qərarına gəlib.
Trend-in məlumatına görə, bu barədə "Yonhap" agentliyi xəbər verib.
Qeyd olunub ki, tələb yanvarın 30-dan götürüləcək. Eyni zamanda xəstəxanalarda, apteklərdə və ictimai nəqliyyatda maskaların taxılması məcburi olaraq qalacaq. Məcburi maska rejimi ölkədə son zamanlarda COVID-19 ilə bağlı yeganə məhdudiyyətdir.
Ötən gün Cənubi Koreyada son üç ayda yeni koronavirusa yoluxma hallarında ən kiçik artım qeydə alınıb (29 816).