Bakı. Trend:
BMT-nin baş katibi Antonio Quterreş Şərqi Qüdsdə sinaqoq yaxınlığında törədilən terror aktını qətiyyətlə pisləyib və hücumun Beynəlxalq Holokostu Anma Günündə törədildiyinə diqqət yetirib.
Trend-in məlumatına görə, bu barədə A.Quterreşin sözçüsü Stefan Düjarrikin açıqlamasında deyilib.
"BMT-nin baş katibi [Şərqi] Qüdsdə sinaqoq yaxınlığında fələstinli hücum edən şəxs tərəfindən törədilən və yeddi nəfərin ölümü və bir neçəsinin yaralanması ilə nəticələnən terror aktını kəskin şəkildə pisləyir", - deyə qeyd olunub.
Bildirilib ki, baş katib həlak olanların ailələrinə dərin hüznlə başsağlığı verir, yaralananların tezliklə sağalmasını arzulayır.