Bakı. Trend:
Fəlakət bölgəsindəki vilayətlərə 250 milyon lirə təcili yardım göndərildi.
Trend-in məlumatına görə bunu Türkiyənin Fövqəladə Halların İdarə Olunması Agentliyinin (AFAD) zəlzələ riski və zəlzələlərin azaldılmasl baş direktoru Orhan Tatar deyib.
“Hazırda bölgələrdə 9 min 688 şəxsi heyət xilasetmə işləri üzrə vəzifələrini yerinə yetirir. Fəlakət bölgəsindəki vilayətlərə 250 milyon lirə təcili yardım göndərildi”,- deyə o bildirib.
Xatırladaq ki, bu gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.