...

BƏƏ Suriya və Türkiyəyə 100 milyon dollar yardım ayırdığını elan edib

Dünya xəbərləri Materials 8 Fevral 2023 08:01 (UTC +04:00)
BƏƏ Suriya və Türkiyəyə 100 milyon dollar yardım ayırdığını elan edib

Bakı. Trend:

Birləşmiş Ərəb Əmirlikləri (BƏƏ) çərşənbə axşamı Suriya və Türkiyəyə zəlzələdən zərər çəkənlərə yardım üçün 100 milyon dollar yardım edəcəyini açıqlayıb.

Trend xıbır verir ki, bu barədə "Al Arabiya" agentliyi məlumat yayıb.

MƏlumata əsasən, BƏƏ Prezidenti Şeyx Məhəmməd bin Zayed Əl Nəhyan "zəlzələ nəticəsində zərər çəkənlərə kömək üçün 100 milyon dollar ayrılması" ilə bağlı sərəncam imzalayıb.

Qeyd edilir ki, ayrılan məbləğ Suriya və Türkiyə arasında bərabər bölünəcək, hər bir ölkəyə 50 milyon dollar veriləcək.

Xatırladaq ki, ötən gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.

Son məlumatlara əsasən, zəlzələ nəticəsində 5 894 nəfər həlak olub, 34 810 nəfər isə yaralanıb.

Məqalədə:
Xəbər lenti

Xəbər lenti