Bakı. Trend:
Hindistan bu həftə əhalinin sayına görə dünya lideri olacaq.
Trend xəbər verir ki, bu barədə BMT-nin İqtisadi və Sosial Məsələlər Departamentinə istinadən "Associated Press" agentliyi məlumat yayıb.
Məlumata əsasən, aprelin sonuna qədər Hindistan əhalisinin sayı 1,425 milyarda (Çin əhaləsinin sayı - red.) çatacaq və dərhal onu keçəcək.
BMT-nin Əhali Fondunun (UNFPA) keçən həftə açıqladığı 2023-cü il Dünya Əhali Hesabatı Hindistanın bu ilin ortalarına qədər əhalisinin sayına görə təxminən 2,9 milyon nəfərlə Çini keçəcəyini göstərib.
BMT-nin məlumatına görə, 2022-ci il noyabrın ortalarında dünya əhalisinin sayı 8 milyard nəfəri keçib.