Bakı. Trend:
Qəzza zolağının sakinləri üçün humanitar yardım daşıyan 17 yük maşını Misirin anklavla sərhədində yerləşən Rəfah keçid məntəqəsindən Qəzzaya daxil olub.
Trend xəbər verir ki, onların arasında Misir Qızıl Aypara Cəmiyyətinin üç yük maşını da var.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.