Bakı. Trend:
İrəvan Dövlət Universitetində partlayışda xəsarət alanlardan bir nəfər ölüb.
Trend xəbər verir ki, bu barədə Ermənistanın səhiyyə naziri Anait Avanesyan sosial şəbəkədə bildirib.
Bununla partlayış nəticəsində ölənlərin sayı 2 nəfərə çatıb. Digər xəsarət alan şəxsin vəziyyətinin stabil olduğu və palataya köçürüldüyü deyilir.
Xatırladaq ki, noyabrın 17-də İrəvan Dövlət Universitetinin binasında partlayış olub. Bir nəfər hadisə yerində ölüb, 3 nəfər yanıq xəsarətləri ilə xəstəxanaya çatdırılıb.