Bakı. Trend:
"Zvartnots" hava limanında sərhədləri keçməklə bağlı qərarları erməni sərhədçilər qəbul edir.
Trend xəbər verir ki, bu barədə Rusiyanın Federal Sərhəd Xidmətinin veteranı Lev Azatxanyan erməni KİV-ə deyib.
Onun sözlərinə görə, Ermənistan müstəqillik qazananda öz mütəxəssisləri olmayıb. 1992-ci ildə Ermənistan ərazisindəki Rusiya Sərhəd Qoşunlarının statusu barədə Müqavilə imzalananda isə Rusiya sərhədçiləri "Zvartnots" hava limanında öz funksiyalarını yerini yetirib.
2005-ci ildə imzalanan yeni müqavilə isə erməni sərhədçilərin hazırlanmasını nəzərdə tutub.
"Hər hansı mübahisəli məqam olduqda isə qərarı Ermənistan tərəfi qəbul edir", - deyə Azatxanyan bildirib.