Bakı. Trend:
İrəvanın şimal-şərqində polis idarəsinə hücumdan sonra “terrorçuluq” maddəsi ilə cinayət işi açılıb.
Trend-in məlumatına görə, bu barədə Ermənistan İstintaq Komitəsinin mətbuat xidməti bildirib.
Komitə hücumda 3 nəfərin iştirak etdiyini bildirib. Hadisənin baş vermə şəraitinin aydınlaşdırılması istiqamətində əməliyyat tədbirləri davam etdirilir.
Qeyd edək ki, Ermənistanın paytaxtı İrəvanda silahlı şəxslər polis bölməsinə hücum ediblər. Sözügedən üç şəxs bölməyə qumbara atsa da, yaralanan ancaq özləri olub.