Bakı. Trend:
Fələstin prezidenti Mahmud Abbas Məhəmməd Mustafanın başçılıq etdiyi yeni hökumətin tərkibini təsdiqləyib.
Trend xəbər verir ki, bu barədə "WAFA" agentliyi məlumat yayıb.
Məlumata görə, Məhəmməd Mustafa rəhbərlik etdiyi nazirlər kabinetinin həyata keçirməyi planlaşdırdığı islahatlar proqramını Mahmud Abbasa təqdim edib.
Mahmud Abbas təqdim olunan sənədlərlə tanış olaraq yeni hökumətin təsdiqlənməsi barədə fərman imzalayıb.
Məhəmməd Mustafanın baş nazir vəzifəsi ilə yanaşı, Fələstin xarici işlər nazirinin müavini vəzifəsini də icra edəcəyi qeyd olunub.