Bakı. Trend:
Böyük Britaniyanın baş naziri Rişi Sunak 1970-90-ci illərdə ölkədə minlərlə pasiyentin yoluxmuş qan köçürülməsi nəticəsində HİV və hepatit C virusuna yoluxduğunu xəbər verən araşdırmadan sonra mayın 20-ni "rüsvayçılıq günü" elan edib.
Trend xəbər verir ki, bu barədə Böyük Britaniya hökumətinin saytında dərc olunmuş məlumatda deyilir.
Aparılan 5 illik tədqiqat nəticəsində məlum olub ki, 1970-90-cı illərdə Böyük Britaniyada 30 mindən çox pasiyent keyfiyyətsiz tibbi yardım nəticəsində ölümcül virusa yoluxub. Virusa yoluxmuş pasiyentdən 3 min nəfərin öldüyü qeyd olunub.
Baş nazir Rişi Sunak Böyük Britaniya hökumətinin adından ölən pasiyentlərin ailələrindən üzr istəyib və bunun ölkə üçün rüsvayçılıq olduğunu qeyd edib.