Bakı. Trend:
ABŞ prezidenti Co Bayden Ukrayna dövlət başçısı Volodimir Zelenski ilə Vaşinqton və Kiyev arasında 10 illik təhlükəsizlik sazişi imzalayıb.
Trend-in məlumatına görə, bu barədə "Reuters" agentliyi xəbər verib.
Məlumata əsasən, saziş İtaliyada keçirilən “Yeddilik Qrupu” sammiti çərçivəsində imzalanıb.
"Tərəflər bu razılaşmanı Ukraynanın NATO alyansına mümkün üzvlüyünə körpü kimi baxırlar", - deyə sənəddə bildirilib.
Qeyd olunub ki, ABŞ Ukraynaya hərbi məhsullar, kəşfiyyat məlumatları, hərbi təlimlər və hərbi sənaye kompleksinin inkişafı ilə bağlı yardım göstərmək niyyətindədir.