Bakı. Trend:
İngiltərənin Roterhem şəhərində etirazçılar miqrantların qaldığı otel binasını mühasirəyə alıblar.
Trend bu barədə xarici KİV-ə istinadən xəbər verir.
Məlumata görə, iğtişaşlar zamanı otelin şüşələri sındırılıb. Həmçinin etirazçılar polis əməkdaşlarına tullantı və stullar atıblar, tullantı qabına od vurub otelin foyesinə sürükləyiblər. Polislərdən biri yaralanıb.
Qeyd edək ki, bundan əvvəl Böyük Britaniyada miqrant axınına qarşı etiraz aksiyalarında iğtişaşlarda iştirak etdiyinə görə yüzə yaxın insan həbs olunub.